Əgər siz xaricdən nəsə sifariş vermək istəyirsinizsə qəti bu şirkətə güvənməyin və xidmətlərindən yararlanmayın. Saytlarında 1-7 gün ərzində çatdırılma qeyd olunsa da, ortalama 1 aya gətirib çıxarırlar. Halbuki, eyni müddətə adi dövlət poçtu da gətirib çıxarır, özü də qəpik quruşa. Mover-ə bu qədər pul verib niyə 1 ay gözləməliyik və əsəblərimizi korlamalıyıq anlamıram. Mail vasitəsi ilə şikayət verirsən 1 həftəyə şablon bir cavab göndərirlər. Telefonda onlara düşmək üçün azı 40 dəqiqə gözləməlisən, amma operatorlarından da bir fayda yoxdur. Bağlama çoxdur deyib başlarından edirlər. İşləyə bilmirsən dur qırağa, camaatı niyə aldadırsan? Bu qədər rəqibləriniz var, özünüz özünüzə niyə torba tikirsiz ki?! Çörəyiniz bu işdən və müştərinin məmnuniyyətindən asılıdır, amma görünən odur ki, heç nə vecinizə deyil.
Hal-hazırda ABŞ-dan sifariş verdiyim 2 bağlama 15 gündən sonra Bakıya çatıb və 10 gündür Bakı anbarında çeşidləyib mənə təhvil verə bilmirlər. Ad çəkməyəcəm amma gedin bir başqa şirkətlərin çatdırılma müddəti ilə maraqlanıb gözünüzə su alın. Nə oldu elə pandemiya, gömrük ancaq sizə problem yaratdı, bəlkə problem siz elə özünüzsüz.
Bir sözlə – bərbad və yarıtmaz xidmət! Bu şirkətdə son sifarişim idi.