Şikayətim Camex daşınma şirkətindəndir. Uzun zamandır ki, xidmətlərindən istifadə etmirdim, heç kimə də istifadə etməyi tövsiyə etmirəm! Sadəcə bağlamam UKdən gəldiyinə görə və bu istiqamətdə işləyən başqa daşınma şirkəti tanımadığıma görə məcbur qalıb istifadə etdim. Etməz olaydım! Bağlamam 1 həftədir anbara çatıb, amma bunların sistemində görünmür. Heç bir əlaqə vasitəsinə cavab verilmir. Ancaq telefondur, onun üçün də hər dəfə zən edəndə yarım saat gözləməli olursan və gözləməyin hələ sənə cavab veriləcəyi anlamına gəlmir. Dəstəyi qaldırıb sizə otboy da verə bilərlər. Bu 1 həftə ərzində gündə 4-5 dəfə zəng etmişəm, hər dəfəsində indi filan məlumatı da deyin, o olmasa tapa bilmirik , sonra yox siz bunları mail ilə yazın, biz UK anbarına sorğu göndərək kimi cavablar verilir. Yazdığım mailin üstündən 1 gündən çox vaxt keçdikdən sonra yenə zəng edirəm, məlum olur ki sorğu göndərilməyib, səbəbini soruşduğumda deyirlər ki, mailimiz işləmir. Deyəndə ki, bəs nə edək indi operator cavab verir ki, mən indi deyərəm sizin mailinizi qabağa salarlar. Bu nə biabırçı xidmətdir?! Mən buna deyiləsi, yazılası söz tapmıram artıq.