Azəriqaz istehsalat birliyinin Direktoruna! Hörmətli Direktor! Xahiş edirəm məsələni özünüz nəzarətə götürəsiniz. Mən Qəhrəmanov Vurğun Fəxrəddin oğlu Binəqədi rayonu Biləcəri qəsəbəsində yaşayıram. Müəlliməm. Peşəsi o insanlardanam ki,onun haqqında ən böyük sözü "Ulu Öndər Heydər Əliyev" Allah Ona rəhmət eləsin, Məkanı cənnət olsun - "Mən dünyada müəllimdən yüksək ad tanımıram" Demişdir. Amma bu gün mən qalmışam müxtəlif idarələrin arasındakı yollarda. Biri ora göndərir, digəri burda yox o idarəyə gedin və s. Bizim istifadə etdiyimiz qaza Smart tipli qaz sayğacı ilə nəzarət olunur. Qaz kartının nömrəsi 0189200250570 - dir. 2023-cü ildə mənim koduma cərimə əlavə edilib. Qaynar xətlə əlqə saxladıq bizə bildirildi ki, sizin adınzıda cərimə var. Çaşıb qaldım. Mümkün deyil axı. Çünki nəyə gücüm çatır o qədər yükləyirəm işlədirəm, kredit də 1 mantlıq olur və s. onu da növbəti dəfə yükləyəndə çıxırlar. Bəs bu borc hardan gəlib sualını verəndə operator bildirdi ki, sayğac dəyişərkən sizə cərimə yazılıb. Bildirmək istəyirəm ki, sayğac 2021-ci ilin fevral ayında dəyişdirilib. Borc isə 2023-cü ilin aprel ayında yazılıb. 2 il iki aydan sonra bu cərimə niyə və necə təyin olunub. Operatorun bildirdiyinə görə laboratoriya yoxlamasından sonra bu qərara gəlinib. Guya sayğac düzgün sərfiyyat eləmirmiş. Amma o vaxta qədər olan sayğac çox yaxşı işləyirdi. Məsələn, karta neçə manat yükləyirdimsə o qədər də sayğaca yüklənirdi, gündəlik işlətdiyim normanı da dəqiq bildiyim üçün buna yaxşı nəzarət etməık olur. Maraqlı suallar meydana çıxır. Əvvəla bundan ötrü akt tərtib olunmalıdır, əlbəttə ki, ev sahibinin iştirakı ilə. 2-cisi bu məsələ 1-2 ay müddətində baş verir (yəni yoxlama) daha 2 il yarımdan sonra yox. Ən əsası odur ki, qaz sayğacı küçədə yerləşir və onda baş verən nasazlıqlar sizin idarələrdəki aparatlar vasitəsilə vaxtında müəyyən edilir. Əcaba bəs niyə sayğacda baş verən qüsur azəri qazın işini bilməyən və yaxud işini bilən lakin işinə məsuliyyətlə yanaşmayan işçiləri tərəfindən vaxtında müəyyən edilməyib. Təsəvvür edirsiniz 2 il yarımdan sonra abonent özü aşkar edir kii, ona borc yazılıb. Hətta bu prosesin özü belə sizin şirkət tərəfindən bizə bildirməyib. Müəllim üçün 24 manat böyük puldur. Digər tərəfdən məsələ pulda da deyil, prosesin düzgün icra olunmamasındadır. Çox xahiş edirəm məsələnin ədalətli həll olunması üçün göstəriş verəsiniz. Əvvəlcədən təşəkkür edirəm.