Şikayətim 120E Hövsan-28may avtobusundandır. Mida1 dən o qədər dolu gəlir ki, Mida2 dın keçəndə heç saxlamır belə. Elə olub ki, səhər 7-ə qalmışdan 9-a qalmışa qədər bu avtobusu gözləmişəm. Gec gəlməsi bir yana, bəzən o qədər dolu olmadığı halda belə Mida2 də saxlamadan çıxıb gedir. Bununla bağlı yazılı ərizə belə yazmışıq amma nə fayda. Oturmağı da heç düşünmürük. İntervallar belə düzgün deyil. Səhər avtobus bəzən 15 dəqiqə bəzən yarım saat və daha çox intervalla gəlir. Mida1 və Mida2 də əhali çoxluğunu nəzərə alaraq tənzimləmək lazımdır, belə halda sadəcə bu avtobusdan Mida1 əhalisi istifadə edə bilir, Mida2 əhalisi qalır belə. Səhər sırf bu hala görə əsəb keçirib evə qayıtdığım olur. Düşünürəm ki, avtobus sayı artıb, intervallar azaldılmalıdır. Ən əsası sürücülərə və avtobus gediş, gəliş vaxtına ciddi nəzarət olmalıdır. Əgər bu avtobus istifadəyə verilibsə sərnişinlər nəzərə alınmalıdır. Ya düzgün şəkildə və qaydalara uyğun istifadəyə davam etməli ya da ümumiyyətlə ləğv olunmalıdır ki, insanlar işini bilsin. Onu da qeyd edim ki, abtobus sürücüləri Mida1 dən Mida2 yə gələn zaman dayanacaqda saxlamır, yolun solunda saxlayır. Yəni dəfələrlə olub ki, gah yolun soluna gah sağına keçməli oluruq və bu da sərnişinlərin həyatını təhlükəyə atır. Xahiş edirəm, bu məsələyə diqqət yetirəsiniz və 120E saylı avtobusların iş rejiminin tənzimlənməsi üçün müvafiq tədbirlər görəsiniz. Əhalinin daha rahat və vaxtında nəqliyyatdan istifadə etməsi üçün bu problem ən qısa müddətdə həll olunmalıdır.