Hörmətli, Baku Electronics onsuz da əvvəldən etibarım yox idi sizə. Amma məndən asılı olmayan səbəbə görə müraciət etmək məcburiyyətində qaldım və bu son oldu. Telefon almaq üçün saytda seçilmiş məhsulu online sifariş vermək istədim alınmadı, şübhələndim bir anlıq. Amma dedim eybi yox yaxınlaşıb alaram. Çünki stokda göstərir və nağd alışa endirim göstərir. Yaxınlaşdım əsas filiala. Dedilər yoxdur bu modeldən burda. Telefon şöbəsinə dedim ki, baxın hansı filialda varsa ora gedim. İşçi bir xeyli əlləşdi dedi sistemə girmir. Buna da ok. Məlumat və xəzinəyə yaxınlaşdım xahiş etdim baxdılar. Nərimanovda tapıldı. 1 ədəd. Yığdılar ki, nağd alışdı filan. Ordan cavab gəldi ki, vitrin malı satılmır. Nağd alırsız? Dedim hə. Düşündülər dedilər yoxe olmaz sata bilmərik. Dedim əgər belədirsə, yığışdırın da saytdan. İşçinin biri tanıdı məni deyə administrator ya kim idisə çağırdı (diqqətə görə təşəkkür) və o da Rəfail müəllim həll edərik narahat olmayın dedi. Qızışmış əsəbim sakitləşdi azmaz. Sonra başqa modeli göstərdim. Araşdırdılar ki, yenə Nərimanovda var. Dedim ok. Ödənişi burda edim bu gün çatdırsam bu gün, çatdırmasam sabah götürüm qaimə ilə. Administrator da problem yoxdur dedi. Ödənişi edirdim ki, dedim bir yığın Nərimanova birdən bunu da verməzlər niyəsə. Dedi ola bilməz elə şey. Dirəndim ki, yığın. Yığdılar. Sizcə nəticə nə oldu? Vermədilər həm də 2 telefon. Səbəbi isə demədilər. Və nağd alışa telefon satmadılar. Təşəkkür edib nöqtəni qoyub çıxdım. Baku Electronics əgər bir məhsul stokda yoxdursa, onu saytdan yığışdırmaq lazımdır, o biri məhsulu da satmayacaqsızsa, saytda üstünə “nağd alışa filan qədər endirim” yazmaq lazım deyil. Sosial şəbəkəyə də nəzarət 0. Baxan yox. Yazmışdım ki, dəqiqləşdirim. Cavab verən olmamışdı. Müştərini dolamayın yəni. Satmırsız satmayın. 1 saatdan artıq vaxtımı apardınız. Məndən asılı olmayan səbəbdən məcbur getdim sizin mağazaya. Amma digər mağazaya 1 zənglə həll də olundu və məhsul da paketləndi sabah da təhvil alacam. Uğurlar yenə də...